第一次帶韓國組合宣傳。

用六個字可以形容了這隊六人組合U-KISS :

超乖！勁 cute！喪靚仔！



21-15歲青春無敵。肯捱肯做超聽話勁有禮貌又cute又靚仔
咁誇張？
真係咁誇張
ALEXANDER 全程幫忙翻譯廣東話，又乖又醒目，係酒店門口可以送我們去答電梯，自己通宵冇訓過都重識得向著我們說，「辛苦晒」

於機場剛落機，比成百人迫到變屎餅，0 投訴，一直笑容滿面迎傳媒，幾個咪幾乎插到盲看不到路，奶昔都打瀉一地，幾個仔剩係識得叫同笑...

車未到，係機場又迫又熱成頭汗，一樣照笑，冇黑面

未到港已經努力學廣東話，人人識用廣東話自我介紹
eli 、東浩重可以講國語溝通
kevin流利英語，斯文可愛
其餘兩個雖然只會韓文，但全程保持笑容…聽不明大家說什麼一樣自得其樂

食飯前識得成班站立打招呼，食飯後又全體行禮大大聲話: 多謝。

食食下飯叫他們表演唱國語歌，即刻就唱，重好好聽。

六個坐完一日飛機到港，工作飯後返到酒店已經近凌晨12點...
翌日通告，八點半起身梳頭化妝
0 投訴，0 埋怨....重問: 咁我地可唔可以落去游水....
下？清晨六點你起到身咪遊囉....哈哈哈

咁合作的藝人，去邊搵？

我係香港真係好少遇到囉！